Жарқырап жанған күндей азаттығы,
Көрінер ұлтымның да ғажаптығы.
Республика күнімен құттықтаймын,
Өйткені ол - Ұлт күні, Қазақ күні!
Қарақамыс НМ 24.10.2024 ж. «25 қазан – Республика күні» мерекесіне орай мектепішілік мерекелік іс-шара болып өтті. Мақсаты: Оқушыларды өз Отанын сүюге, қазақ екенін, Қазақстанда тұратынын мақтаныш етуге, туған халқының тілін, мәдениетін, салт – дәстүрін қастерлейтін саналы да парасатты азаматтар тәрбиелеу. Елінің Туын, Елтаңбасын, Әнұранын қастерлеуге өз елін, тегін, тарихын білуге тәрбиелеу. Іс-шара барысында оқушылар өз Отанына деген ыстық лебіздерін өлең шумақтары арқылы білдіре алды. «Бақытты болашақ» атты флешмоб ұйымдастырылды. «Жас Ұлан» қатарына салтанатты түрде 5- сынып оқушылары Сабыртай Б., Шотпаева Н. Жахин Е. қабылданды. Патриоттық рухтағы салтанатты іс-шараны Бегалина Г.К. жоғары деңгейде өткізе алды.
