"Сөздік мозаика" әдісі арқылы 6-сынып оқушыларымен шығармаларды талдау.
Кітапханада 6-сынып оқушыларымен өткен әдеби шара барысында "Сөздік мозаика" әдісі қолданылды. Бұл әдіс оқушылардың шығарманы түсіну қабілетін арттырып, негізгі ойды анықтауға, кейіпкерлерді сипаттауға және өз пікірлерін еркін білдіруге көмектеседі. Әдістің сипаттамасы:
"Сөздік мозаика" – оқушылардың шығармадан алған әсерін жүйелеп, мазмұнды толық ашуға бағытталған интерактивті тәсіл. Бұл әдісте шығарманың басты тақырыбына немесе идеясына байланысты сөздер беріліп, оларды дұрыс ретке келтіріп, мағыналық байланысын анықтау қажет. Балалар іш-шараға белсенді қатысып, қызығушылық пен ұшқыр ойларын танытты.
